Skip to content

Dansnámið okkar

Dansnámið okkar er tómstundamiðað jazzballettnám fyrir börn og ungmenni á öllum aldri. Markmið okkar er að skapa gott umhverfi fyrir dansara á hvaða getustigi sem er til að vaxa og dafna. Við viljum skapa stuðningsríkt samfélag í kringum dansskólann þar sem maður eignast nýja vini og skapar ævilangar vináttur! Kennarar skólans hjálpa nemendum að auka sjálfstraust og efla sjálfstæði þeirra. Við trúum því að hver nemandi geti blómstrað í stuðningsríku og hvetjandi umhverfi og leggja kennarar skólans sig alla fram við að skilja nemendur eftir með bros á vör í lok hvers tíma.

Barnadans fyrir 3-5 ára
Jazzballettnám fyrir 6-9 ára
Jazzballettnám fyrir 10-15 ára
Jazzballettnám fyrir 16 ára og eldri

Barnadans 3-5 ára

Í tímunum fyrir börn á aldrinum 3-5 ára leggjum við áherslu á dansgleði og skemmtun!

Við örvum skilningarvitin með litum, takti, leik og notum ímyndunaraflið til að kanna hreyfingarnar okkar. Tímarnir eru 40 mínutur að lengd þar sem lagður er grunnur í jazzballett tækni ásamt skapandi dansi.

Foreldrar eru með og taka virkan þátt í tímum fyrir 3 ára börn. Með þessari aðferð viljum við veita allra yngstu nemendum okkar aukalega stuðning í tímum.

Börn á aldrinum 4-5 ára eru án foreldra inni í tímum, nema að annað sé tekið fram eða rætt um. Þannig getum við æft okkur og eflt sjálfstæði og frumkvæði nemenda.

Mikilvægt er að muna eftir að mæta með vatnsbrúsa og vera búin að fara á klósettið fyrir tímann!

Klæðnaður í tímum

  • – Frjáls æfingafatnaður sem að börnunum líður vel í –  t.d. stuttermabolur, leggings, ballettbolur, hlýrabolur…
  • – Hægt að vera á sokkunum, tánum eða í jazzballett/ballettskóm
  • – Hár tekið snyrtilega frá andliti

Jazzballettnám fyrir 6-9 ára

Í jazzballetttímum fyrir börn á aldrinum 6-9 ára er dansgleði og skemmtun í fyrirrúmi ásamt ríkri áherslu á jazzballetttækni. Við lærum að vera partur af hóp, hvetjum hvort annað áfram og sköpum trausta liðsheild. Kynntir eru mismunandi dansstílar innan jazzballettsins og lögð er áhersla á leikræna túlkun og tjáningu. Notuð eru tól frá leiklistinni til að efla sjálstraust og framkomu nemanda sem nýtast jafnframt í danstímunum sem og almennt í lífinu.

Jazzballettnám fyrir 6-9 ára er tilvalið fyrir þá sem vilja heilsueflandi og skemmtilega tómstund!

Klæðnaður í tímum

  • – Aðsniðinn æfingafatnaður sem þægilegt er að hreyfa sig í – t.d. leggings, hlýrabolur, stuttbuxur, samfestingur…
  • – Hægt að vera á sokkunum eða í jazzballettskóm
  • – Hár tekið snyrtilega frá andliti

Jazzballettnám fyrir 10-15 ára

Jazzballettnám fyrir 10-15 ára er frábær leið til að efla líkamlegan styrk og liðleika. Æft er í hvetjandi andrúmslofti þar sem hverjum og einum er ýtt áfram í formi hvatningar. Enn meiri áhersla er lögð á jazzballetttækni en hjá yngri nemendum. Erfiðleikastig miðast við getustig hvers hóps að hverju sinni en þannig tryggjum við að kennslan sé persónuleg og einstaklingsmiðuð.

Við teljum einstaklega mikilvægt að efla sjálfstraust hjá unglingum og viljum ýta undir þá tilfinningu að hverjum og einum líði vel í eigin skinni. 

Klæðnaður í tímum

  • – Aðsniðinn æfingafatnaður sem þægilegt er að hreyfa sig í – t.d. leggings, hlýrabolur, stuttbuxur, samfestingur…
  • – Hægt að vera á sokkunum eða í jazzballettskóm
  • – Hár tekið snyrtilega frá andliti

Jazzballettnám fyrir 16 ára og eldri

Jazzballettnám fyrir 16 ára og eldri er frábær leið til að stunda skemmtilega líkamsþjálfun í góðum félagsskap!

Við æfum í hvetjandi andrúmslofti þar sem hverjum og einum er ýtt áfram í formi hvatningar. Rík áhersla lögð á að efla líkamlegan styrk og liðleika. Enn meiri áhersla er lögð á jazzballetttækni en hjá yngri nemendum. Erfiðleikastig miðast við getustig hvers hóps að hverju sinni en þannig tryggjum við að kennslan sé persónuleg og einstaklingsmiðuð.

Klæðnaður í tímum

  • – Aðsniðinn æfingafatnaður sem þægilegt er að hreyfa sig í – t.d. leggings, hlýrabolur, stuttbuxur, samfestingur…
  • – Hægt að vera á sokkunum eða í jazzballettskóm
  • – Hár tekið snyrtilega frá andliti
  • – Aðsniðinn æfingafatnaður sem þægilegt er að hreyfa sig í – t.d. leggings, hlýrabolur, stuttbuxur, samfestingur…
  • – Hægt að vera á sokkunum eða í jazzballettskóm
  • – Hár tekið snyrtilega frá andliti

Kennarar

Ástrós Guðjónsdóttir

Ástrós er 25 ára dansari, danskennari og danshöfundur sem hefur mikla ástríðu fyrir kennslu. Ástrós útskrifaðist með BA gráðu í samtímadansi frá Listaháskóla Íslands í janúar 2019. Síðastliðin ár hefur Ástrós dansað með hljómsveitinni Hatari ásamt því að byggja upp sviðslistahópinn RVK Dance Project með samstarfskonum sínum. Ástrós brennur einstaklega fyrir því að byggja upp dans- og sviðslistir hjá yngri kynslóðinni.

Gerður Guðjónsdóttir

Gerður er 30 ára danskennari, danshöfundur og viðskiptafræðingur. Gerður útskrifaðist með BA gráðu í samtímadansi frá Listaháskóla Íslands árið 2015. Hún hefur alla sína tíð haft gríðarlegan áhuga á dansi, sköpun og kennslu. Neistinn fyrir kennslu kviknaði snemma en frá 16 ára aldri hefur hún kennt ungum sem öldnum samtímadans og jazzballett. 

Inga Sjöfn Sverrisdóttir

Inga Sjöfn er 35 ára danskennari, danshöfundur og sjúkraþjálfari. Inga Sjöfn hefur frá unga aldri haft mikla ástríðu fyrir dansinum og fann sárlega fyrir vöntun á dansnámi á Selfossi þegar hún var ung. Hún hefur verið að kenna bæði ungum sem öldnum síðan hún var 15 ára gömul og veit ekkert betra en að vinna að skapandi verkefnum og sjá árangur hjá nemendum sínum.

Fullorðinsnámskeið

Fullorðinsnámskeiðin okkar eru hugsuð fyrir einstaklinga 18 ára og eldri sem vilja stunda skemmtilega en krefjandi líkamsþjálfun í góðum félagsskap. Rík áhersla er lögð á að efla líkamlegan styrk og liðleika í gegnum dansþjálfun. Tímarnir eru 75 mínutur að lengd sem henta bæði byrjendum og lengra komnum.

Kennt verður 2x í viku í 6 vikna námskeiðum þar sem hvert námskeið er auglýst að hverju sinni.